इपीएस परीक्षा पास गराउने व्यक्ति पक्राउ

काठमाडौं, ९ पुस । कोरियन भाषा परीक्षा (इपीएस) परीक्षामा सहभागी हुने परीक्षार्थीहरुलाई पास गराईदिने एक जना युवा पक्राउ परेका छन् ।

पक्राउ पर्नेमा रामेछापको खाँडदेवी गाउँपालिका–८ का २८ वर्षीय रोजबहादुर तामाङ छन् । उनलाई आज बिहीबार भक्तपुरबाट पक्राउ गरिएको प्रहरीले बताएको छ ।

प्रहरीका अनुसार तामाङले इपीएसका परीक्षार्थीहरुलाई प्रलोभनमा पारेर ५ लाख रुपैयाँसम्म लिएर आफै नक्कली परीक्षार्थी बनेर परीक्षा दिई परीक्षा पास गराउने गरेका थिए ।

उनले यस्तो काम वर्षौंदेखि गर्दै आएको प्रहरीले बताएको छ ।