रुपन्देही । रुपन्देहीको बुटवलमा रहेर बिभिन्न सञ्चारमाध्यममा सञ्चारकर्मीका रुपमा आफुलाई स्थापित बनाएका आकाश पन्थलाई अब म्युजिक भिडियोमा देख्न पाइने भएको छ ।
मोफसलमा रहेर केही चलचित्र तथा थुप्रै म्युजिक भिडियो उत्पादक गरिसकेको अविरल फिलिम्स प्रालि को व्यानरमा भर्खरै छायांकन सकिएको खाएको कसम फिर्ता लिन मिल्छ र ? नामक म्युजिक भिडियोमा उनलाई देख्न पाइने भएको हो ।
उक्त म्युजिक भिडियोको छायाँकन सकी बजारमा ल्याउने तयारी भैरहेको छ । कृष्ण काफलेको आवाजमा रहेको उक्त म्युजिक भिडियो कपिलवस्तुको ४ नंम्बर लगायतका रमणीय स्थानमा छायांकन गरिएको हो ।
यस भिडियोमा सञ्चारकर्मी तथा गितकार आकाश पन्थको साथमा सागर खनाल र ममता ढकालको अभिनय देख्न सकिनेछ । आफनो डेव्यु भिडियो रहेकाले पनि आफुले निकै मेहनतका साथ काम गरेको पन्थले बताए ।
दिपेश डिसीको छायांकन, विष्णु भटराईको निर्देशन तथा सम्पादन रहेको यस भिडियो केहि नयाँपनको रहेको निर्देशक भटराईले बताए । मोफसलका नयाँ कलाकारहरुलाई अवसर दिइरहने अविरल फिल्मस प्रालिले यसअघिपनि थुप्रै म्युजिक भिडियो बजारमा ल्याइसकेको छ ।
अविरल फिल्मस प्रालिका प्रबन्धक विष्णु भटराई मोफसलमा पनि राम्रा म्युजिक भिडियो निर्माण गर्न सफल भएको बताउँछन् ।
प्रतिक्रिया