काठमाडौं, ३ पुस । नेपाल विद्युत् प्राधिकरणले भोलि शनिबार मध्यान्ह १२ बजेदेखि ३ बजेसम्म बालाजु सवस्टेशनबाट वितरित बिजुलीकटौती गर्ने भएको छ ।
प्राधिकरणका अनुसार बालाजु सवस्टेशन भित्रको ११ केभीको ब्रेकर जडान गर्नुपर्ने भएकाले उक्त सवस्टेशनबाट वितरित बिजुली काटिने भएको हो ।
बालाजु औद्योगिक क्षेत्र, ढुङ्गेधारा, महाराजगञ्ज, नयाँ बजार, धर्मस्थली फिडर सटडाउन हुने छ । बिजुली काटिँदा उपभोक्तामा पर्न जाने असुविधाप्रति प्राधिकरणले माफी मागेको छ ।
प्राधिकरणले आज शुक्रबार बिहान ७ बजेदेखि १० बजेसम्म पनि राजधानी काठमाडौंका विभिन्न स्थानमा बिजुली काटेको थियो ।
निर्धारित कार्य समयअगावै सम्पन्न भएमा सो समयभन्दा अगावै बिजुली आउनेसमेत प्राधिकरणले स्पष्ट पारेको छ ।
प्रतिक्रिया