सालकको खपेटासहित एक पक्राउ

काठमाडौँ, १ पुस । काठमाडौँ महानगरपालिका २६ मित्रनगर बबालीचोकबाट १ थान सालकको खपेटासहित प्रहरीले एक जनालाई पक्राउ गरेको छ ।

पक्राउ पर्नेमा धादिङ छत्रेदेउराली गाउँपालिका ६ घर भएका सुभाष तामाङ भन्ने २७ वर्षीय सुजन तामाङ रहेका छन् । उनलाई मंगलबार दिउँसो प्रहरीले पक्राउ गरेको हो ।

विशेष सूचनाको आधारमा महानगरीय प्रहरी प्रभाग गोंगबु र महानगरीय प्रहरी परीसर टेकुबाट खटिएको संयुक्त प्रहरी टोलीले सुजनलाई जाँच गर्दा उनले बोकेको झोलाभित्र उक्त सालकको खपेटा फेला पारी पक्राउ गरेको हो ।

घटनाका सम्बन्धमा प्रहरीले थप अनुसन्धान गरिरहेको छ ।