रौतहटमा चिसोका कारण एक पुरुषको सुतेकै ठाउँमा मृत्यु

काठमाडौँ, २७ मंसिर । तराईमा चिसो बढेसँगै जनजीवन कष्टकर बन्न थालेको छ ।

शनिबार रौतहटमा चिसोका कारण कठ्याङ्ग्रिएर एक पुरुषको मृत्यु भएको छ ।

मृत्यु हुनेमा कटहरीया नगरपालिका वडा नम्वर २ जमुनिया घर भएका ६५ वर्षीय सुखारी सिंह रहेका छन् ।

मृतक सिंह श्रीमतिसँगै चन्द्रपुर बजारस्थित घनश्याम साहको घरको पेटीमा बस्दै आएका थिए ।

सोही घरको पेटीमा सुतेको ठाउँमा चिसोले कठ्याङ्ग्रिएर मृत्यु भएको प्रहरीले जनाएको छ ।

उनीहरु मागेर गुजारा चलाउने गर्थे । सिंहकी श्रीमती दृष्टिविहीन भएकाले अब उनको विचल्ली भएको छ ।