काठमाडौँ, २२ मंसिर । लोकसेवा आयोगको सर्भर ह्याक गर्ने ३ जना पक्राउ परेका छन् ।
आयोगको सर्भर ह्याक गरेर ९ हजार एसएमएस पठाएको आरोपमा प्रहरीले ३ जनालाई गरेको हो ।
पोखराबाट २ जना र ललितपुरबाट १ जनालाई साइबर व्यूरोको टोलीले पक्राउ गरेको हो ।
पक्राउ पर्नेमा ललितपुरको सानागाउँ बस्ने २५ वर्षीय विवेक महर्जन, कास्कीको पोखरा बस्ने १७ वर्षीय किशोर र घारीपाटन बस्ने १५ वर्षीय किशोर छन् । उमेर नपुगेको हुनाले २ जनाको नाम गोप्य राखिएको छ ।
उनीहरुले लोकसेवाको सर्भर प्रयोग गरी कर्पोरेट र अन्य क्षेत्रका ९ हजार व्यक्तिलाई एसएमएस पठाएका थिए ।
उनीहरुमाथि विद्युतीय कारोबार ऐन–०६३ अनुसार अदालतबाट म्याद लिएर ब्यूरोले अनुसन्धान गरिरहेको छ ।
प्रतिक्रिया