काठमाडौं, ७ मंसिर । नेपालमा पछिल्लो २४ घण्टामा कोरोना भाइरसका १ हजार ६६९ जना संक्रमित थपिएका छन् ।
त्यसमध्ये काठमाडौं उपत्यकामा मात्रै ९५७ जना संक्रमित थप भएका छन् ।
स्वास्थ्य तथा जनसंख्या मन्त्रालयका अनुसार आइतबार काठमाडौंमा ७३३ जना, भक्तपुरमा ५३ जना र ललितपुरमा १३१ जना नयाँ संक्रमित थप भएका हुन् ।
पछिल्लो २४ घण्टामा जम्मा ८ हजार ३२ जनाको पीसीआर परीक्षण गर्दा १ हजार ६६९ जनामा संक्रमण पुष्टि भएका हुन् । योसँगै नेपालमा संक्रमितको संख्या २ लाख २० हजार ३०८ जना पुगेको छ ।
यस्तै पछिल्लो २४ घण्टामा देशभर ५ हजार ६९९ जना संक्रमणमुक्त भएर घर फर्किएका छन् । योसँगै हालसम्म डिस्चार्ज हुनेको कुल संख्या १ लाख ९९ हजार २४ जना पुगेको छ ।
मन्त्रालयका अनुसार देशभर सक्रिय संक्रमितको संख्या १९ हजार ९६३ छ भने ६८६ जना क्वारेन्टाइनमा छन् ।
पछिल्लो २४ घण्टामा देशभर कोरोना भाइरसका १६ जना संक्रमितको मृत्यु भएको छ ।
स्वास्थ्य तथा जनसंख्या मन्त्रालयका अनुसार आइतबार थपिएको मृतकका संख्यापछि नेपालमा कोरोना भाइरसबाट ज्यान गुमाउनेको संख्या १ हजार ३२१ जना पुगेको छ ।
प्रतिक्रिया