रुपन्देहीमा कोरोनाका कारण १६ वर्षीय किशोरको मृत्यु

काठमाडौँ, ३० कात्तिक । रुपन्देहीमा थप एक जना कोरोना संक्रमितको मृत्यु भएको छ ।

मृत्यु हुनेमा रुपन्देहीको तिलोत्तमा नगरपालिका वडा नम्बर ३ का १६ वर्षीय किशोर रहेका छन् ।

शुक्रबार कोरोना पुष्टि भएको उनको भैरहवास्थित युनिभर्सल कलेज अफ मेडिकल साइन्सेजमा उपचारका क्रममा मृत्यु भएको स्वास्थ्य कार्यालय रुपन्देहीले जनाएको छ ।

केही दिनदेखि आएको ज्वरो निको नभएपछि गरिएको कोरोना परीक्षणको रिपोर्ट पोजेटिभ देखिएको थियो ।

शुक्रबार कोरोना देखिएको उनको शनिबार राती मृत्यु भएको हो ।

स्वास्थ्य कार्यालयका अनुसार तिलोत्तमाकै ५७ वर्षीय पुरुषको पनि शनिबार राति मृत्यु भएको छ ।