काठमाडौँ, २६ कात्तिक । नेपाली काँग्रेसको बिहीबारलाई बोलाइएको केन्द्रीय कार्यसमिति बैठक पुनः स्थगित भएको छ ।
कात्तिक २७ गतेको बैठक कात्तिक २८ गते शुक्रबार दिनको १ बजेसम्मका लागि स्थगित गरिएको काँग्रेस पार्टी कार्यालयका मुख्य सचिव कृष्णप्रसाद पौडेलले विज्ञप्तिमार्फत जानकारी दिए ।
पार्टीका उपसभापति विमलेन्द्र निधि र नेता कृष्णप्रसाद सिटौलाको पिसिआर परीक्षण गरिएको र रिपोर्ट नआएकाले बैठक शुक्रबारलाई सारिएको पौडेलले बताए ।
निधि र सिटौलाका सुरक्षाकर्मीमा कोरोना संक्रमण देखिएपछि उनीहरु केही दिनदेखि होम आइसोलेसनमा छन् ।
पार्टीभित्रको आन्तरिक विवाद तथा नेताहरुमा कोरोना संक्रमणले गर्दा बैठक पटकपटक सर्दै आएको छ ।
प्रतिक्रिया