काठमाडौँ, १८ कात्तिक । नेपाली कांग्रेसका केन्द्रीय सदस्य मीन विश्वकर्माको कोरोना रिपोर्ट नेगेटिभ आएको छ ।
कात्तिक १ गते कोरोना पुष्टि भएको उनमा आजदेखि स्वास्थ्यमा सुधार आउनुका साथै पछिल्लो कोरोना परीक्षणको रिपोर्ट नेगेटिभ आएको हो ।
काठमाडौँको ग्राण्डी अस्पतालको भेन्टिलेटरमा राखेर उपचाररत उनको आजदेखि स्वास्थ्यमा सुधार आएको उपचारमा संलग्न चिकित्सकहरुले बताएका छन् ।
कोरोना र निमोनियाका कारण उनको फोक्सोले राम्रोसँग काम गरेको थिएन ।
सुरूमा आइसियु र पछि ग्राण्डीको भेन्टिलेटरमा राखेर उनको उपचार गरिएको थियो ।
उनको आज गरिएको कोरोना परीक्षणको रिपोर्ट नेगेटिभ आएको विश्वकर्माका सहयोगी आकाश उप्रेतीले जनाएका छन् ।
विगत ६ दिनदेखि अचेत विश्वकर्माको फोक्सोले पनि काम गर्न थालेको बताइएको छ ।
संक्रमणपछि केही दिन होम आइसोलेसनमै बसेका उनको सुरूमा तीन दिन वीर अस्पतालमा उपचार गरिएको थियो । कात्तिक १२ देखि भने उनलाई ग्राण्डीको आइसियुमा राखेर उपचार गरिएको थियो ।
प्रतिक्रिया