काठमाडौं, २ कात्तिक । उदयपुर जिल्लाको कटारी–१४ मा स्कोर्पियो दुर्घटना हुँदा ५ जनाको मृत्यु भएको छ ।
गएराति भएकाे दुर्घटनामा ३ जना घाइते भएका छन् । प्रहरीले घाइतेकाे उद्धार गरेर कटारीस्थित अस्पतालमा पठाएको छ ।
भैरहवाबाट ओखलढुंगा जाँदै गरेको बा २० च ७१७१ नम्बरको स्कर्पियो दुर्घटना भएको जिल्ला प्रहरी कार्यालय उदयपुरले जनाएकाे छ ।
दुर्घटनामा परेर ओखलढुंगा मानेभञ्ज्याङ–९ घर भएका ४६ वर्षीय रामबहादुर सार्की र २७ वर्षीय कर्मे सार्कीको मृत्यु भएको छ । अन्यको सनाखत भएको छैन ।
सिद्धिचरण राजमार्गमा पर्ने भदौरे भिरबाट स्कोर्पियो खस्दा ३ जना घाइते भएका छन् ।
घाइते हुनेमा रुपन्देहीका घर भएका २८ वर्षीय चालक पवन खड्का, ओखलढुंगा मानेभञ्ज्याङ–९ की १८ वर्षीया कल्पना सार्की र ३३ वर्षीया कुमारी सार्की छन् ।
प्रतिक्रिया