बुटवल, १९ असोज । विपक्षी दल नेपाली कांग्रेसको विरोध हुँदा हुँदै पनि सुचारु भएको प्रदेश नम्बर ५ को प्रदेशसभा बैठक भोलिसम्मका लागि स्थगित भएको छ ।
सभामुख पूर्ण घर्तीमगरले मंगलबार दिउँसो १२ बजे बस्ने गरी आजको बैठक स्थगित गरेका हुन् । आजको बैठकमा आन्तरिक मामिला तथा कानूनमन्त्री कुलप्रसाद केसीले प्रदेशको नाम लुम्बिनी र स्थायी राजधानी दाङ राप्ती उपत्यका तोक्ने प्रस्ताव छलफलका लागि पेश गरेका थिए ।
छलफलमा केही सांसदले भाग लिए भने कांग्रेस सांसदले उभिएर विरोध जनाए । उनीहरु उभिएर विरोध जनाइरहेका भए पनि बैठक सुचारु भइरहेपछि आक्रोशित बनेका कांग्रेसका सांसदले सभाहलभित्र तोडफोडमै उत्रिए ।
तोडफोडका क्रममा उनीहरुले कुर्सी, टेबुल र माइक फुटाएका छन् ।
प्रतिक्रिया