थप ४ कोरोना संक्रमितको मृत्यु, मृतकको संख्या ३८३ पुग्यो

काठमाडौँ, १ असोज । नेपालमा कोरोनभाइरस संक्रमणका कारण गत २४ घण्टामा थप ४ जनाको मृत्यु भएको छ ।

बिहीबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा विभिन्न जिल्लाका थप ४ कोरोना संक्रमितको मृत्यु भएको जानकारी दिएका छन् ।

यससँगै मृतकको संख्या ३ सय ८३ पुगेको छ ।

बिहीबार देशभर थप १ हजार २ सय ४६ जनामा कोरोना संक्रमण देखिएको मन्त्रालयले जनाएको छ । त्यस्तै, थप १ हजार २ सय ४३ जना उपचारपछि संक्रमणमुक्त भएका छन् ।