चितवनमा उपचाररत एक कोरोना सङ्क्रमितको मृत्यु

चितवन, २९ भदौ । चितवनमा थप एक जना कोरोना संक्रमितको मृत्यु भएको छ ।

चितवन मेडिकल कलेजमा उपचाररत गैँडाकोट नगरपालिका–९ बस्ने ६२ वर्षीया कोरोना संक्रमित वृद्धाको मृत्यु भएको अस्पतालले जनाएको छ ।

ज्वरो, खोकी र श्वासप्रश्वासमा समस्या आई भदौ १५ गते अस्पतालमा भर्ना भएकी उनमा १७ गते कोरोना सङ्क्रमण पुष्टि भएको थियो ।
आईसीयूमा उपचार भइरहेको उनको आइतबार मृत्यु भएको हो ।

जिल्लामा मृत्यु हुने कोरोना संक्रमितको संख्या २७ जना पुगेको छ । दुई जनाको भने घरमै मृत्यु भएको थियो ।