काठमाडौँ, ४ भदौ । पोखरामा एकै परिवारका १३ जनामा कोरोनाभाइरस संक्रमण पुष्टि भएको ।
यससँगै पोखरामा समुदायमा संक्रमण फैलिएको बताइएको छ ।
पोखरा–५ मालेपाटनका एकै परिवारका १३ जनामा संक्रमण देखिएको हो ।
उक्त परिवारको एक महिला सदस्यमा साउन २४ गते संक्रमण पुष्टि भएको थियो ।
परीक्षण गर्दा परिवारका अन्य ११ जनामा संक्रमण देखिएकोमा बिहीबार थप दुई जनामा पनि कोरोना संक्रमण पुष्टि भएको पोखरा महानगरपालिकाले जनाएको छ ।
बिहीबार सोही परिवारका ११ वर्ष र १४ वर्षका दुई बालबालिकामा संक्रमण देखिएको हो ।
तीन दाजु भाइका १३ जना सदस्यमा कोरोना संक्रमण देखिएको हो । संक्रमितमध्ये एक जना निको भइसकेका छन् ।
प्रतिक्रिया