काठमाडौँ, ३२ साउन । सत्तारुढ नेकपाको सचिवालय बैठक सोमबार बस्ने भएको छ ।
बैठक सोमबार विहान ९ बजेका लागि बोलाइएको एक नेताले जानकारी दिएका छन् ।
नेकपामा देखिएको गतिरोध अन्त्यका लागि विभिन्न प्रयासहरु भइरहेका छन् । पार्टी अध्यक्षद्वय प्रधानमन्त्री केपी शर्मा ओली र पुष्पकमल दाहाल प्रचण्डबीच पनि विभिन्न चरणमा छलफल भएका छन् ।
शुक्रबार विवाद समाधानका लागि ६ सदस्यीय कार्यदल गठन गरिएको छ ।
कार्यदलमा विष्णु पौडेलको संयोजकत्वमा शंकर पोखरेल, जनार्दन शर्मा, पम्फा भुसाल, भीम रावल र सुरेन्द्र पाण्डे रहेका छन् ।
कार्यदललाई सचिवालय बैठकले अनुमोदन गर्नुपर्ने माग उठेका बेला सोमबार बैठक लागेको हो ।
प्रतिक्रिया