घरको आँगनमा खेलिरहेको डेढ वर्षीय बालक बन्यो चितुवाको शिकार

तनहुँ, २२ साउन । तनहुँको शुक्लागण्डकी नगरपालिका–२ मसारमा चितुवाको आक्रमणबाट डेढ वर्षीय बालकको मृत्यु भएको छ ।

बुधबार साँझ करीब ८ बजेतिर आँगनमा खेल्दै गरेका स्थानीय विष्णुकुमार रानाका छोरा रोहन रानालाई चितुवाले लगेको इलाका प्रहरी कार्यालय बेलचौताराले जनाएको छ ।

आँगनमा खेल्दै गरेका रोहनलाई चितुवाले लगेको थियो । उनको टाउको र हात मध्यरातमा घरबाट झण्डै तीन किलोमिटर पर जंगलमा भेटिएको बताइएको छ ।