रत्ननगर (चितवन), ३० फागुन । चितवनमा स्वाइन फ्लु सङ्क्रमित बिरामीको सङख्या बढेर ३१ पुगेको छ ।
दुई दिनअघि २७ जना सङ्क्रमित भएकामा आज थप चार जनामा सङ्क्रमण भएको पुष्टि भएको भरतपुर अस्पतालले जनाएको छ ।
अस्पतालका प्रमुख मेडिकल सुपरिटेन्डेन्ट डा विजय पौडेलले ३१ जनामा स्वाइन फ्लु भएको प्रतिवेदन आएको बताउँदै उनीहरूको भरतपुर अस्पतालमा उपचार सफल भएको जानकारी दिनुभयो ।
अस्पतालमा भर्ना भएका बिरामी उपचारपछि घर फर्किएको उहाँको भनाइ थियो । रासस
प्रतिक्रिया