कराँची, २१ असार । पाकिस्तानमा कोरोना भाइरस संक्रमितको सङ्ख्या २ लाख २५ हजार २८३ पुगेको छ ।
कोरोना भाइरसको संक्रमणको कारण पाकिस्तानमा शनिबारसम्म ४ हजार ६१९ जनाको मृत्यु भइसकेको छ ।
संक्रमितमध्ये १ लाख २५ हजार ९४ जना भने निको भएका छन्। पाकिस्तानका सिन्ध र पञ्जाव प्रान्त अत्यन्त प्रभावित भएका छन् ।
सिन्ध प्रान्तमा ९० हजार ७२१ जना संक्रमित भएका छन् । पञ्जाब प्रान्तमा ८० हजार ७ सय २१ जनामा कोरोना संक्रमण भएको छ ।
यसैबीच इस्लामाबादमा थप १६३ जनामा कोरोना भाइरस संक्रमण भएको र दुइ जनाको मृत्यु भएको सरकारी स्रोतले जानकारी दिएको छ ।
पाकिस्तानका विदेशमन्त्री शाह महमूद कुरेशीले शुक्रबार कोभिड १९ परीक्षण गरेको र पोजेटिभ भएको घोषणा गरेका छन् ।
प्रतिक्रिया