– निर्मल अर्याल
काठमाडौ, २९ फागुन । लायन्स क्लब डिस्ट्रिक्ट ३२५ ए वान अन्तर्गत वर्ष २०१५–१६ का लागि केन्द्रीय पदाधिकारीहरुको संयुक्त मनोनयन दर्ता कार्यक्रम शुक्रवार राजधानीमा सम्पन्न भएको छ ।
डिस्ट्रिक्ट गभर्नरमा सुनिल भक्त श्रेष्ठ, फस्र्ट भाइस डिस्ट्रिक्ट गभर्नरमा कुमारराज सुवेदी र सेकेण्ड भाइस डिस्ट्रिक्ट गभर्नरमा लीला ढुंगेलको उम्मेदवारी परेको छ ।
श्रेष्ठको उम्मेदवारी पत्र हरिकृष्ण डंगोलले वाचन गर्नु भएको थियो भने सुवेदी र ढुंगेलको उम्मेदवारी पत्र क्रमशः सरला सुवाल र विजयहरी शर्माले वाचन गर्नु भएको थियो ।
श्रेष्ठले लायन्स क्लब अफ लालीगुराँस, सुवेदीले लायन्स क्लब अफ जोरपाटी तथा ढुंगेलले लायन्स क्लब अफ विराटनगर सेन्ट्रललाई प्रतिनिधित्व गर्नुहुन्छ ।
श्रेष्ठ लायन्स क्लबमा सन् २००४ बाट आबद्ध हुनुन्छ । त्यस्तै सुवेदी र ढुंगेल सन् १९९५ बाटै लायन्स क्लबमा क्रियाशील हुनुहुन्छ ।
श्रेष्ठ वर्ष २०१४-१५ मा फस्र्ट भाइस डिस्ट्रिक्ट गभर्नर, सुवेदी सेकेण्ड भाइस डिस्ट्रिक्ट गभर्नर र ढुंगेल डिस्ट्रिक्ट क्याबिनेट सेक्रेटरीको रुपमा कार्यरत हुनुहुन्थ्यो ।
मनोनयन दर्ता कार्यक्रमलाई सम्बोधन गर्दै श्रेष्ठ, सुवेदी र ढुंगेल तीनै जनाले नेपालमा लायनवादको गरीमालाई अझ उचो बनाउन आफुहरु क्रियाशील रहने प्रतिबद्धता जनाउनु भएको थियो ।
अब आगामी वैशाखको पहिलो साता विराटनगरमा हुने महाधिवेशनबाट उम्मेदवारी अनुमोदन भएपछि औपचारिक रुपमा उहाँहरुको कार्यकाल शुरु हुनेछ ।
प्रतिक्रिया