होम क्वारेन्टिनमा मृत्यु भएका पुरुषमा कोरोना पुष्टि

काठमाडौँ, ६ असार । गुल्मीमा होम क्वारेन्टिनमा मृत्यु भएका पुरुषमा कोरोनाभाइरस संक्रमण पुष्टि भएको छ ।

छत्रकोट गाउँपालिका ५, मैनडाँडाका ६१ वर्षीय पुरुषको बिहीबार राती मृत्यु भएको थियो ।

उनको प्रादेशिक प्रयोगशाला रुपन्देहीमा गरिएको परीक्षणमा कोरोना पुष्टि भएको जिल्ला स्वास्थ्य कार्यालय गुल्मीले जनाएको छ ।

जेठ २५ गते भारतबाट आएर होम क्वारेन्टिनमा राखिएका उनी प्यारालाइसेसका बिरामी थिए । उनको शवलाई शुक्रबार नेपाली सेनाको टोलीले व्यस्वस्थापन गरेको थियो ।