काठमाडौँ, २९ फागुन । यौनसम्पर्कका लागि युवती मिलाइदिने धन्दा चलाएर रातारात मालामाल हुने सपना देखेका एक युवक प्रहरीको फन्दामा परेका छन् ।
यौन सम्पर्कका लागि युवती मिलाइदिन्छु भन्दै वेभसाइटमा विज्ञापन गर्ने वाँके नेपालगन्ज उपमहानगरपालिका वडा नं.१२ घर भइ हाल ललितपुर कुसुन्ती वस्ने २८ बर्षीय सरोज चौधरी प्रहरी फन्दामा परेका हुन् ।
उनले यौनसम्पर्क र यौन आनन्दका लागि बिभिन्न युवतीहरुलाई उपलब्ध गराइदिने भनी आकर्षक फोटो राखेर बिभिन्न सेवाका वेभसाइटमै बिभिन्न दररेटहरु समेत राखेका थिए । यौनसम्पर्कका लागि इमेल ठेगाना र फोन नम्बर समेत राखेर उनले वेभसाइट चलाएको प्रहरीले जनाएको छ ।
चौधरीलाई पक्राउ गरी बिद्युतीय कारोवार ऐन २०६३ बमोजिम आवश्यक अनुसन्धानका लागि बुधबार हिरासतमा लिइएको प्रहरी अपराध अनुसन्धान महाशाखा हनुमानढोकाले जनाएको छ ।
प्रतिक्रिया