प्युठानमा थप ६ जनामा कोरोना संक्रमण पुष्टि

काठमाडौँ, २८ जेठ । प्युठानमा थप ६ जनामा कोरोनाभाइरस संक्रमण पुष्टि भएको छ ।

थपिएका संक्रमितहरुमध्ये ५ जना माण्डवी गाउँपालिका ५ रम्दी र एक जना ऐरावती गाउँपालिका वडा नम्वर १ का रहेका छन् ।

प्रादेशिक जनस्वास्थ्य प्रयोगशाला भैरहवामा गरिएको परिक्षणमा माण्डवीका ५ जनाको कोरोना पोजेटिभ आएको हो । उनीहरु सबै जना भारतबाट आएका हुन् ।

यससँगै जिल्लामा संक्रमितको संख्या १८ जना पुगेको छ । प्युठान थप ३ सय ४५ जनाको परीक्षणको रिपोर्ट आउन बाँकी रहेको छ ।