निको भए बाराका २२ जना कोरोना संक्रमित

काठमाडौँ, २३ जेठ । बाराको कलैया अस्पतालबाट २२ जना संक्रमित कोरोनामुक्त भएका छन् ।

शुक्रबार एक जना प्रहरीसहित २२ जना डिस्चार्ज भएका हुन् । उनीहरुको लगातार २ पटकको पीसीआर रिपोर्ट नेगेटिभ आएपछि डिस्चार्ज गरिएको अस्पतालले जनाएको छ ।

उनीहरु सिम्रौनगढ, महागढीमाई, पचारौता नगरपालिका र बारागढी गाउँपालिकाका संक्रमित हुन् । जेठ ९ गते, १० गते, १२ गते, १४ गते उनीहरुमा संक्रमण पुष्टि भएको थियो ।

बारामा हालसम्म ७३ जना कोरोना संक्रमित भएका छन् । जसमध्ये ३४ जना डिस्चार्ज भइसकेका छन् ।

त्यस्तै, शुक्रबार बाराको बारागढी गाउँपालिकामा २ जना र विश्रामपुर गाउँपालिकामा १ जनामा कोरोना भाइरस संक्रमण पुष्टि भएको थियो ।

उनीहरु भारतबाटा आउका हुन् । उनीहरुको जेठ १६ गते स्वाब संकलन गरिएको थियो ।