– राजेन्द्र ठगुन्ना
डडेल्धुरा, २७ फागुन । डडेल्धुरामा आज बेलुका भएको ट्याक्टर दुर्घटनामा दुई जनाको मृत्यु भएको छ ।
मालामी लिएर फिर्ता भईरहेको से १ त ४२६३ नम्बरको ट्याक्टर केआई सिंह राजमार्गको राईँको मोड नजिकै पल्टिदाँ चालकको घटना स्थलमै मृत्यु भएको हो भने एक जनाको उपचारको क्रममा सुदूरपश्चिम उपक्षेत्रीय अस्पताल डडेल्धुरामा मृत्यु भएको हो ।
उपचारको क्रममा मृत्यु हुनेमा डडेल्धुराको कोटेली गाविस ९ का अन्दाजी २७÷२८ बर्षिय दिल बहादुर बुढाऐर रहेका छन भने मृतक चालक कमल सार्की रहेको बताईएको छ । उनको अन्य विवरण खुल्न सकेको छैन ।
दुर्घटनामा अन्य २ जना घाईते छन् । ट्याक्टरमा सवार अन्य ८ जना भने सुकशल रहेको जिल्ला प्रहरी कार्यालय डडेल्धुराले बताएको छ ।
प्रहरीका अनुसार मालामी गएर घर तिर फर्किने क्रममा उक्त दुर्घटना भएको हो । दुर्घटनाको कारण खुल्न सकेको छैन् ।
प्रतिक्रिया