काठमाडौँ, २३ चैत । राष्ट्रिय जनस्वास्थ्य प्रयोगशालमा अहिलेसम्म १५ सय २९ जनाको कोरोना भाइरसको परीक्षण भएको छ ।
बुटवलमा कोरोनाका संक्रमण परीक्षण अझै सुरु नभएको भने चितवनमा आजदेखि सुरु भएको स्वास्थ्य मन्त्रालयले जनाएको छ ।
यससँगै उपत्यका बाहिर ७ ठाउँमा कोरोना भाइरसको परीक्षण सुरु भइसकेको स्वास्थ्य तथा जनसंख्या मन्त्रालयका प्रवक्ता डा. विकास देवकोटले जानकारी दिएका छन् ।
नियमित पत्रकार सम्मलेनमार्फत उनले आज नेपालभर १ सय १३ जना आइसोलेसनमा रहेका जनाएका छन् । उपत्यकाभित्र १२ जना आइसोलेसनमा छन् ।
संक्रमित व्यक्तिहरुको कन्ट्क्याट ट्रेसिंग भइरहेको प्रवक्ता देवकोटाले जनाए । त्यस्तै, वेवसाइटमा इन्ट्री गर्नेको आजको संख्या १८ सय १२ जसमा २४ जना रड जोनमा रहेको उनले बताए ।
आजसम्म कूल ८ हजार ९७ ले वेवसाइतमा इन्ट्री गरेको देवकोटाले बताए । त्यसरी वेवसाइटमा आफ्नो सत्य तथ्य सूचनामात्रै भरिदिन उनले आग्रह गरेका छन् ।
त्यस्तै खरीपाटीको क्वारेन्टाइनमा ९४ जनाको परीक्षण नेगेटिभ देखिएको प्रवक्ता देवकाेटाले जनाएका छन् ।
प्रतिक्रिया