काठमाडौं । लोक तथा दोहोरी गीतका उत्कृष्ट सर्जक एवम् गायक खेम सेञ्चुरीले ‘कपलु कोरेर…’ बोलको गीत ल्याएका छन् ।
सेञ्चुरीले वरिष्ठ गायक एवम् सर्जक स्व.तीर्थबहादुर गन्धर्वप्रति श्रद्धाञ्जलि स्वरुप यो गीत ल्याएको जनाएका छन् । गीतमा गायक सेञ्चुरी र गायिका सम्झना भण्डारीको स्वर रहेको छ ।
गीतका एरेञ्जर विनोद बाजुराली हुन् । लय र शब्द भने गायक सेञ्चुरी आफैले दिएका छन् ।
दर्जनौँ उत्कृष्ट गीत दिएका सेञ्चुरी युवा पुस्ताका चर्चित गायक एवम् सर्जक हुन् । ‘गीत राम्रो बनेको छ । यो गीतको थेगो स्वर्गी तीर्थबहादुर गन्धर्वज्यूको हो’, सेञ्चुरीले भने, ‘उहाँप्रति श्रद्धाञ्जलि दिन पनि यो गीत ल्याएको छु ।’
म्युजिक भिडियोमा विनोद भण्डारी र जुना गुरुङको अभिनय रहेको छ । पृथ्वी इन्टरटेनमेन्ट युट्युब च्यानलबाट रिलिज गरिएको ‘कपलु कोरेर…’ले राम्रो भ्यु पाएको छ ।
यो गीत ट्रेडिङमासमेत स्थान बनाएको छ । म्युजिक भिडियोको निर्देशन विनोद भण्डारीले गरेका हुन् ।
प्रतिक्रिया