काठमाडौँ, १ भदौ । झापा प्रहरीले विप्लव समूहका ५ जना नेता/कार्यकर्तालाई पक्राउ गरेको छ ।
पक्राउ पर्नेमा ताप्लेजुङ आठराई त्रिवेणी गाउँपालिका–३ का राजु दास, ताप्लेजुङकै सिद्धिनगवा गाउँपालिका–४ का सक्कल भनिने सागर लिम्बु छन् ।
यस्तै, ताप्लेजुङ फकलातुङ गाँपालिका–२ का नरपति पौडेल, सोही ठाउँका यम योगेश लिम्बु र आठराई त्रिवेणी गाउँपालिका– ५ का सन्देश भन्ने गणेश कार्की ढोली रहेका छन् ।
प्रहरीका अनुसार दास विप्लव समूहका पाँचथर जिल्ला ईन्चार्ज र मेची ब्यूरो सदस्य हुन् भने सागर लिम्बु ताप्लेजुङ जिल्ला ईन्चार्ज हुन् ।
यसैगरी, पौडेले मेची ब्यूरो सदस्य तथा ताप्लेजुङ सक्रेटरी, योगेश लिम्बु ताप्लेजुङ जिल्ला कमिटी सदस्य र कार्की जनमुक्ति मोर्चाको केन्द्रीय सदस्य तथा अखिल क्रान्तिकारीको मेची, कोशी ब्यूरो संयोजक हुन् ।
उनीहरुलाई प्रमाणसहित पक्राउ गरिएको र आवश्यक अनुसन्धान भइरहेको झापा प्रहरी प्रवक्ता डिएसपी महेन्द्रकुमार श्रेष्ठले जानकारी दिनुभयो ।
प्रतिक्रिया