पीसीएलमा चम्किए सन्दीप, १० रन मात्र खर्चिएर लिए ४ विकेट

काठमाडौं, १५ फागुन । पाकिस्तानमा जारी पाकिस्तान सुपर लिग (पीएसएल) क्रिकेटमा नेपाली लेग स्पिनर सन्दीप लामिछाने बुधबारको खेलमा पनि उत्कृष्ट प्रदर्शन गरेका छन् ।

लाहोर क्वालेण्डर्सबाट खेलिरहेको उनी बुधबार क्वेटा ग्लाडियटसविरुद्ध बलिङ गरेका हुन् । बुधबारको खेलमा उनले क्वेटाको महत्वपूर्ण ४ विकेट झारे ।

४ ओभर बलिङ गरेका सन्दीपले १० रन मात्र खर्चिएका थिए ।

पहिलो ओभरमा १ विकेट लिएका उनले दोस्रो ओभरमा दुई विकेट लिएका थिए । तेस्रो ओभरमा पनि सो क्रम जारी राख्दै १ विकेट झारे । चौंथो ओभरमा उनले मात्र २ रन खर्चिए ।

बुधबारको खलमा सन्दीप निकै किफायती बलर सावित भएका छन् ।