सरकारले सन्तोषजनक काम गरेको छः प्रदेश प्रमुख तुम्वाहाङ

मुख्यमन्त्री तथा मन्त्रिपरिषद्को कार्यालयबाट आज यहाँ आयोजित ‘प्रदेश सरकारको एकवर्षे उपलब्धि सार्वजनिकीकरण’ कार्यक्रमलाई सम्बोधन गर्दै उहाँले अहिलेसम्म भएका कामप्रति जनता उत्साहित छन् भन्नुभयो ।

उहाँले जनताका चाहना र आवश्यकतामा केन्द्रित भएर काम गरेमा प्रदेशलाई समृद्ध र सुखी बनाउन सकिनेमा जोड दिनुभयो ।
सो अवसरमा मुख्यमन्त्री शेरधन राईले प्रदेश तहको संरचना बिल्कुलै नयाँ भए पनि जनताका काममा लगनशील भएर लागिरहेको प्रष्ट पार्नुभयो ।

उहाँले प्रदेशमा ९० वर्ष पूरा गरेका नागरिकलाई वार्षिक रु पाँच हजार घरघरमै गएर प्रदान गरिने घोषणा पनि गर्नुभयो ।

प्रदेश सभामुख प्रदीपकुमार भण्डारीले प्राकृतिक स्रोत र सम्पदामा सम्पन्न यस प्रदेशलाई विकासको बाटामा डो¥याउन प्रदेश सरकार सफल भएकामा खुशी व्यक्त गर्नुभयो । मुख्यसचिव केदार न्यौपानेले प्रदेश सरकारले मितव्ययिता अपनाएकाले विकासमा मद्दत पुगेको विचार व्यक्त गर्नुभयो ।

त्यस अवसरमा प्रदेशको शान्ति सुरक्षालाई बलियो र सुदृढ बनाउन सुरक्षा निकायलाई २४५ थान मोटरसाइकल र १५ थान प्रदान गरिएको थियो । ती सवारी साधनका लागि रु १० करोड ५७ लाख खर्च गरिएको थियो ।

यसैगरी एक वर्षका अवधिमा उत्कृष्ट कार्य गर्ने सचिव यज्ञबहादुर खत्री, प्रल्हाद सापकोटा, उपसचिव रवीन्द्र आचार्य, मनोजकुमार यादव, अनिरुद्रप्रसाद साह, खड्गप्रसाद चुँडाललगायत कर्मचारीलाई सम्मान गरिएको थियो । –रासस