पारिवारिक माहोलबीच सन्तान अभाव ‘प्रसादको ट्रेलर’ (भिडियो)

काठमाडौं, १७ कात्तिक । विपिन कार्की र नम्रता श्रेष्ठको मुख्य भुमिका रहेको चलचित्र ‘प्रसाद’को अफिसियल ट्रेलर सार्वजनिक भएको छ ।

शुक्रबार साँझ ट्रेलर सार्वजनिक गरिएको हो । फिल्ममा दिनेश राउतको निर्देशन रहेको छ भने निश्चल बस्नेत पनि प्रमुख भुमिका रहेका छन् ।

प्रेम, मिलन र पारिवारिक माहोलबीच सन्तानको अभावले मानसिक रुपमा पिरोलिएका दम्पतीहरुको कथा चलचित्रमा समेटिएको छ ।

मंसिर २१ गतेबाट प्रदर्शनमा आउने ‘प्रसाद’को कथा सञ्चारकर्मी सुशील पौडेलले लेखेका हुन् । जसको सम्पादन लोकेश बज्राचार्यले गरेका छन् ।