एसिया कप फाइनल : भारत र बंगलादेश बीचको खेल सुरु

काठमाडौं, १२ असोज । एसिया कप क्रिकेटको फाइनल खेल सुरु भएको छ । फाइनलमा अहिले साविक विजेता भारत र बंगलादेश भिडिरहेका छन् ।

युएईको दुवई अन्तर्राष्ट्रिय क्रिकेट स्टेडियममा खेल भइरहेको छ । भारतले टस जितेर फिल्डिङ रोजेपछि बंगलादेश ब्याटिङमा उत्रेको छ ।

भारत अहिले निकै फर्ममा देखिएको छ । उसले ३ खेलमा दुईमा जित हासिल गरेको छ भने एक बराबरी खेल्यो । उता बंगलादेश सुपर चारमा भारतसँग पराजित भएको थियो ।

आजको खेल भारतले आफ्नो पक्षमा पारेमा उ सर्वाधिक सातौं पटक च्याम्पियन बन्नेछ । भारतलाई एसियामा हावी हुन आजको खेल जित्नैपर्ने दबाब छ । बंगलादेश पनि भारतलाई हराएर गतिलो बदला लिँदै उपाधि उचाल्न चाहन्छ ।

त्यस्तै बलियो प्रतिद्वन्द्वी भारतलाई हराएर बंगलादेश एसिया कपको उपाधिमा डेब्यू गर्न चाहन्छ ।