काठमाडौं । विजयराज भुर्तेलको निर्देशन रहेको चलचित्र ‘रात परेपछि’ अहिले डबिङको अन्तिम चरणमा रहेको छ ।
सम्पादन सकेलगतै च्यारिटीमा उत्रने ‘रात परेपछि’ चलचित्र केही महिनापछि मात्र सार्वजनिक प्रदर्शनमा आउने छ ।
चलचित्रमा दिल कुमार, अमन पोख्रेल, सपना खड्का, निशा नेपाल, अनमी श्रेष्ठ, टाशी शेर्पा, शिशिर श्रेष्ठ आदिको अभिनय रहेको छ ।
दिलले यसै चलचित्रमार्फत अभिनयमा डेब्यु गर्न लागेका हुन् ।
दिल दर्जनहाराहारीको म्युजिक भिडियो अभिनयपछि चलचित्रमा छिरेका हुन् ।
विष्णु मायाको निर्माण रहेको ‘रात परेपछि’ हरर चलचित्र रहेको बताइएको छ ।
नेपालमा बनेका हरर मूभीहरूले व्यवसाय नगरे पनि यसले भने दर्शकको माया पाउने अपेक्षा निर्माण पक्षको छ ।
प्रतिक्रिया