काठमाडौं, १७ असार । बलिउड अभिनेत्री जुही चावलाले गरेको ट्वीटले काठमाडौंको बद्नाम भएको भन्दै आलोचना भएको छ ।
अभिनेत्री चावलाले काठमाडौं भ्रमणका क्रममा धुलो, धुँवा, ट्राफिक जाम र फोहरले समस्या भएको बताएकी छिन् । अभिनेत्री चावलाले फोहर, धुलो, धुँवाका कारण आफूले नाकमुखमा मास्क लगाएर यात्रा गरेको ट्वीटमार्फत जनाएकी छिन् ।
शनिबार अभिनेत्री चावलाले पशुपतिनाथको मन्दिरमा पूजा गरेपछि गाडी कुर्दै गरेका बेला मुख छोपेर बसेको तस्बिर पनि ट्वीट गरेकी छिन् ।
While waiting for our cars,in Kathmandu …so much dust,so much traffic, so much diesel and petrol fume in the air,that we had to cover our faces , everyday here locals walk around with surgical masks . ?????? pic.twitter.com/xf4608FDZD
— Juhi Chawla (@iam_juhi) June 30, 2018
ट्वीटले काठमाडौंको बास्तविकता झल्काए पनि त्यसबाट नेपाली समर्थकहरूको मन दुखाएको छ ।
बलिउड अभिनेत्री चावलाको ट्वीटको नेपालीहरूले सामाजिक सञ्जालमा आलोचना गरेका छन् ।
बेलाबेला बलिउडका कलाकारले नेपालविरुद्ध अभिव्यक्ति दिने गरेका छन् । उनीहरूले नेपाललाई होच्याउने गर्दा नेपालीहरूको आलोचना पनि खेप्दै आएका छन् ।
प्रतिक्रिया