यमबहादुर बम
धनगढी, ८ पुस । धनगढीमा जारी ३८ औं आइजीपी रनिङ शिल्ड फुटबल प्रतियोगिता अन्तरगत सोमबार तीन वटा खेल भएका छन् ।
पहिलो खेलमा मध्यपश्चिम क्षेत्रीय प्रहरीले पश्चिमाञ्चल क्षेत्र प्रहरीलाई ३–१ गोल अन्तरले पराजित गर्यो ।
मध्यपश्चिमका दिनेश राना, कमल खडका र दीलबहादर घर्तीमगरले समान १–१ गोल गरे । पश्चिमाञ्चल क्षेत्र शन्तोष थापाको १ गोलमा सिमित हुन पुग्यो ।
प्रतियोगितको दोस्रो खेलमा पूर्वक्षेत्र प्रहरीले महानगरीय प्रहरीलाई २–० गोलले पराजित गर्यो। दीपेन राईले प्रहार गरेको दुई गोलनै पूर्व क्षेत्र प्रहरीका लागि निर्णायक भयो ।
तेस्रो खेलमा मध्यक्षेत्र प्रहरीले प्रहरी प्रधान कार्यालयलाई २–० गोल अन्तरले पराजित गर्यो। मध्यक्षेत्र प्रहरीका लागि निरज दुर्गामगर र भुपेश चौधरीले समान १–१ गोल गरे ।
प्रतियोगिताको तेस्रो दिन मंगलबार सुदूरपश्चिम क्षेत्र र पश्चिम क्षेत्र, प्रहरी प्रधान कार्यालय र महानगरीय प्रहरी तथा पूर्व क्षेत्र प्रहरी र मध्यक्षेत्र प्रहरीबीच खेल हुने नेपाल प्रहरी क्षेत्रीय खेलकुद समितिका सहसचिव, प्रहरी उपरीक्षक गोविन्दराम परियारले जानकारी दिए ।
पस ११ गतेसम्म चल्ने फुटबल प्रतियोगितामा ७ वटा टिमको सहभागिता रहेको छ ।
प्रतिक्रिया