दमास्कस (सिरिया), ८ मंसिर । युद्धग्रस्त मुलुक सिरियामा युद्धका कारण बालबालिकाहरु अधिकतम कष्टमा पर्ने गरेका छन् । उपयुक्त पोषण नपुग्दा बालबालिकामा कुपोषण देखिनु सिरियामा सामान्य भइसकेको छ ।
दिनहुँ जसो सयौँको संख्यामा आमाहरु आफ्ना कुपोषित बच्चाहरुलाई क्लिनिकमा लैजान्छन् । युद्धका कारण त्यहाँ यतिसम्म भएको छ की आमा खानाको अभावमा आफ्ना बच्चालाई पत्रिका पानीमा भिजाएर खुवाउन बाध्य छन् । त्यहाँको स्थानीय क्लिनिकका चिकित्सक अब्देल हामीदका अनुसार एक महिलाले रातिमा आफ्ना बच्चा नरोउन् भनेर पत्रिकाका टुक्राहरु पानीमा भिजाएर खुवाउने गरेकी छिन् । यो कुरा सुन्दा हामीद मर्माहित भएको बताए ।
सिरियाको घोउटा क्षेत्रका महिला तथा बालबालिकाहरुको अवस्था निकै नै नाजुक रहेको हामीदले बताए । सो क्षेत्रमा हाल पनि ४ लाखभन्दा बढि मानिसहरु बसोबास गरिरहेका छन् ।
तस्विरः द गार्डियन
प्रतिक्रिया