अमेरिकामा नेपालीहरूले लगाए भाइटीका

– विजय थापा

अमेरिका । अमेरिकाका विभिन्न राज्यमा बसोबास गर्ने नेपाली समुदायले भाइटीका लगाएर तिहार मनाएका छन् ।

शनिबार दिदीबहिनीले दाजुभाइलाई यश, ऐश्वर्य र दीर्घायुको कामना गर्दै भाइटीका लगाएर यस वर्षको तिहार मनाएका हुन् ।

अमेरिकामा जन्मेका बालबालिका, पहिलो पुस्ता, बिद्यार्थी, अमेरिकामा विभिन्न कारणले आएका कलाकार, साहित्यकार, पर्यटक, ब्यबसायी तथा विभिन्न पेसाका नेपाली समुदायले तिहारको मजा आफै तरिकाले लिएका छन् ।