खोलाले बगाएर बालक बेपत्ता

– रामचन्द्र घर्ती

जाजरकोट, १४ साउन । खोलाले बगाउँदा बारेकोट गाउँपालिका ८ सपुखोलाका सुवास सिंह हिजोदेखि वेपत्ता भएका छन् ।

घर नजिकैको खोलामा साथीसंग खेल्न गएका हंशबहादुर सिंहका चार बर्षीय छोरा सुवास खोलामा बगेर बेपत्ता भएका हुन् ।

सुवास खोला नजिकैको ढुंगाबाट चिप्लिएर खोलामा खसेर वेपत्ता भएको जाजरकोटका प्रहरी प्रमुख भावेश रिमालले जानकारी दिए ।

बालकको खोजी कार्य भइरहेको र अहिलेसम्म फेला पार्न नसकेको उनले बताए ।