खुमबहादुर खड्काको गृहनगरमा एमालेको सानदार जित, लमहीमा ढल्यो कांग्रेस गढ

लमही, २० असार । दाङको लमही नगरपालिकामा नेकपा एमाले विजयी भएको छ ।

कांग्रेसका प्रभावशाली नेता खुमबहादुर खड्काको पकड क्षेत्र मानिने लमहीमा एमालेका कुलबहादुर केसी मेयर निर्वाचित भएका छन् ।

उनले कांग्रेसका जोगराज चौधरीलाई ९५ मत अन्तरले पराजित गरे । यो नगरमा टिकट नपाएपछि खुमबहादुरका भतिजा डिल्लीबहादुर खड्का स्वतन्त्र उम्मेदवार उठेका थिए ।

बागी उठेपनि सुरु देखिनै अग्रता लिएको लमहीमा अन्तिममा एमालेले जित दर्ता गराएको हो । एमालेको जितसँगै लमहीमा कांग्रेसको गढ ढलेको टिप्पणी गरिन थालिएको छ ।

लमही नगरपालिकाको वडा नं. १ मा पनि नेकपा एमालेका अध्यक्ष एक मतले विजयी भएका छन् । सो वडामा नुमराज पौडेलले एक मतले कांग्रेसका उम्मेदवारलाई पछि पार्दै विजयी भएको निर्वाचन कार्यालयले जनाएको छ ।

एमालेका नुमराज पौडेलले ५६० र कांग्रेसका उम्मेदवार दामोदर पौडेलले ५५९ मत ल्याएका छन् ।