सुस्ता गाउँपालिकामा एमालेले झण्डा फहरायो, यस्तो छ एमाले जित्नुको कारण

नवलपरासी, १६ असार । नवलपरासीको चर्चित सुस्ता गाउँपालिकामा नेकपा एमालेले जित हात पारेको छ ।

गाउँपालिका प्रमुखमा नेकपा एमालेका उम्मेदवार रामप्रसाद पाण्डे विजयी भएका छन् । पाण्डेले २९६३ मत ल्याए भने उनका प्रतिस्पर्धी कांग्रेसका हसबुद्धिन शेखले २३५६ मत ल्याए ।

यसैगरी, उपप्रमुखमा एमालेकी इन्द्रकुमारी चौधरी विजयी भएकी छिन् । चौधरीले २९४० मत ल्याइन् भने उनकी प्रतिस्पर्धी काँग्रेसकी विमला ढुंगानाले २३५५ मत ल्याइन् ।

पाण्डेले सुस्ता गाउँपालिकालाई प्रदेश नम्बर ४ मा राख्ने भन्दै मत मागेका थिए । सुस्ता अहिले प्रदेश नम्बर ५ मा छ । तर, स्थानीय बासिन्दा भने ४ नम्बर प्रदेशमै हुनुपर्ने पक्षमा छन् ।

६ वटा वडामध्ये काँग्रेसले २ वटामात्र जितेको छ । वडा नम्बर १ र ५ मा कांग्रेस विजयी भएको हो । वडा नम्बर ३ मा राप्रपाले जितेको छ ।