नेपाल प्रहरीमा बढुवा प्रक्रिया सुरु, जवानसम्मको बढुवा हुँदै

काठमाडौं, ७ असार । चार हजार बढी पद रिक्त हुँदा पनि बढुवा प्रक्रिया अगाडि नबढाउँदा आलोचित प्रहरी प्रशासनले बढुवा सिफारिस समितिलाई सक्रिय बनाएको छ ।

गृहमन्त्रीमा जनार्दन शर्मा आएपछि गत बुधबार उनले बढुवा अघि बढाउने बताएका थिए । नागरिक दैनिकले समाचार छापेको छ ।

उनले दाबी गरेको पाँच दिनपछि आइतबारदेखि तल्लो तहको बढुवा प्रक्रिया अघि बढेको हो ।

असारभित्र सबै रिक्त पदमा बढुवा गर्ने योजनासहित प्रहरी हवल्दार र असईको बढुवाको लागि फाइल उठिसकेको छ ।