बनेपा, २ कार्तिक । काभ्रेपलाञ्चोकमा मादक पदार्थ सेवन गरी युवती जिस्काउने एकजनालाई केही सार्वजनिक अपराधअन्तर्गत मुद्दा लगाइएको छ ।
पीडित युवतीले दिएको उजुरीका आधारमा जिल्लाको कार्तिकेदेउराली गाविस वडा नं ८ बस्ने ३२ वर्षीय झम्कप्रसाद गौतमलाई पक्राउ गरी मुद्दा चलाइएको जिल्ला प्रहरी कार्यालयका प्रहरी नायब निरीक्षक निमा मगरले जानकारी दिए ।
पक्राउ परेका गौतमलाई जिल्ला प्रशासन कार्यालयबाट सात दिनको म्याद थप गरी हिरासतमा राखिएको छ ।
जिल्लाको मादनकुडारी गाविस वडा नं ९ स्थित आफ्नै घरमा बसिरहेककी युवतीलाई मादकपदार्थ सेवन गरी पानी खाने निहुँमा गौतमले अभद्र व्यवहार गरेका थिए । रासस
प्रतिक्रिया