काबुल, २६ असोज । अफगानिस्तानमा तालिवानविरुद्ध त्यहाँका सुरक्षा निकायले जारी राखेका कारबाहीका क्रममा पाँच सैनिक र सत्र तालिवानको मृत्यु भएको छ ।
गत २४ घण्टासम्म जारी रहेको सैनिक कारबाहीमा १७ जना तालिवान सशस्त्र लडाकूको मृत्यु भएको अफगानिस्तानको गृह मन्त्रालयले आइतबार जानकारी दिएको छ ।
अफगानिस्तानको चारवटा प्रान्तमा अफगान सेनाले जारी राखेको कारबाहीको क्रममा तालिवानी आतङ्ककारीले गरेको प्रत्यक्ष गोली प्रहार र सडक किनारमा रहेको बम विस्फेटनमा चार अफगान सैनिकको मृत्यु भएको गृह मन्त्रालयद्धारा प्रकाशित विज्ञप्तिमा जनाइएको छ ।
सन् २०१४ को अन्त्यसम्म अफगानिस्तानमा रहेका नेटोसँग आबद्ध प्रायः सैनिक फर्किसक्ने नेटो आबद्ध सबै देशले निर्णय गरिसकेका छन् ।
त्यसैले अफगानिस्तान सरकारले त्यहाँको सेना र प्रहरीलाई तालिवान विरुद्धको कारबाहीका लागि अघि सारेको छ ।
यस कारबाहीको क्रममा सुरक्षाबलले तालिवानहरूका साथबाट कयौँ शक्तिशाली हातहतियार कब्जा गरेको र सुरक्षाबलतर्फ भने कुनै हताहतको समाचार नभएको जनाइएको छ ।
तालिवानहरूले पछिल्लो समयमा कारबाहीलाई तीव्रता दिएका छन् । सो आक्रामक कारबाहीलाई मध्यनजर गरी सरकारी सेना र प्रहरीले पनि तालिवानमाथि जाइलागेको गरेका छन् । रासस/सिन्ह्वा
प्रतिक्रिया