धनगढी, ३ फागुन । सञ्चारकर्मी तथा लोक दोहोरी गायक राजेन्द्र धनाडीको दोस्रो लोक दोहोरी एल्बम ‘भेटाइदेउन मेरी मायालु’ को म्युजिक भिडियो बजारमा आएको छ ।
कुसुम रेकर्डिङ स्टुडियो अत्तरियाबाट रेकर्ड भएको प्रेम बियोगमा आधारित उक्त भिडियोलाई बसन्त फिल्मस प्रा.लि. काठमाडौंले बजारमा ल्याएको हो ।
एल्बममा धनाडीको आफनै लय, शब्द तथा स्वर रहेको छ भने निर्मला खडायतले साथ दिएकी छन् । भिडियोमा मोडेल सुरज रावल र सरगम श्रेष्ठले अभिनय गरेका छन् । गायन क्षेत्रमा भर्खरै उदाउँदै गरेका सञ्चारकर्मी तथा गायक धनाडीले यसअघि ‘मेरै दिलमा छौ’ बोलको म्युजिक भिडियो बजारमा ल्याएका थिए ।
उनले अझै ‘चोटै चोटको जिन्दगी’, ‘मरे पछी बोल्न पाउदैँन’, ’बाह्रखरी’ जस्ता लोक दोहोरी गीत बजारमा आउने क्रममा रहेको जानकारी दिए ।
प्रतिक्रिया