काठमाडौं, १० पुस । नेपालमा हिन्दू धर्मसँग जोडिन्छ राजतन्त्र । र, धर्मको रक्षकका रुपमा राजालाई लिइन्छ ।
तर, तिनै हिन्दू धर्मका रक्षक भनेका चिनिएका पूर्वराजा ज्ञानेन्द्र शाह भने ईशाइ धर्मावलम्वीको ‘क्रिसमस डे’मा पार्टीमा रमाइरहेको देखिएका छन् ।
क्रिसमस इभको अवसरमा लाजिम्पाटको त्रिसरा रेस्टुरेन्टमा आयोजित पार्टीमा पूर्वराजा ज्ञानेन्द्र शाह र छोरा पारस शाहसँगै देखिएका हुन् ।
जनताले हिन्दू धर्मका संरक्षक भनेर विश्वास गरिरहेका बेला ज्ञानेन्द्रका पार्टीमा मस्त देखिएको तस्बिर सामाजिक सञ्जालमा बाहिरिएपछि आलोचना सुरु भएको छ । र, तस्वीर भाइरल भइरहेको छ ।
टाइ सुटको फर्मल ड्रेसमा ज्ञानेन्द्र र पारसले फ्यानहरुसित फोटोसमेत खिचाएका थिए । त्रिसरामा क्रिसमस इभका अवसरमा द ह्वाइट अफेयर पार्टीका नाममा नाचगान भएको थियो ।
प्रतिक्रिया