महेन्द्रनगर, १ पुस । नेकपा माओवादी केन्द्र कृष्णपुर नगर समितिको एकता भेला सम्पन्न भएको छ । बिहीबार कृष्णपुरको गुलरियामा एकला भेला सम्पन्न भएको हो ।
एकता भेलामा बोल्ने अधिकांश माओवादी केन्द्रका नेताहरुले राष्ट्रियता रक्षाका लागि माओवादी एकजुटको विकल्प नभएको बताएका छन् । माओवादी केन्द्र कञ्चनपुरका नेता अर्जुन साउँदले एकता अधिवेशनमा माओवादी नेताहरुले देशको विकासका साथै राष्ट्रियताका लागि माओवादी शक्तिहरु एकजुट हुनुपर्नेमा नेताहरुले जोड दिएको बताए ।
उनका अनुसार अधिकांश नेताहरुले माओवादीले अघि सारेको मुद्दाहरु पुरा गर्नका लागि समेत समाबेस हुनुपर्नेमा जोड दिएका थिए । माओवादी नेताहरुले जनयुद्ध, जनआन्दोलनबाट प्राप्त उपलब्धीहरुको रक्षा गरेर जनतालाई नयाँ नेपालको राहत दिनुपर्ने र एकता अधिवेशनबाट टुटफुट भन्दा पनि एकताबाटै देश र जनताको हित हुने बताएका थिए ।
अधिवेशनले कृष्ण दत्त जोशीको संयोजकत्वमा ५१ सदस्यीय नगरसमिति गठन गरेको छ । समितिले नगर क्षेत्रको समग्र विकासका लागि समेत पहल गर्नेछ ।
एकता भेला भव्य रुपमा सम्पन्न भएको माओवादी केन्द्र कृष्णपुरले जनाएको छ । स्थानीय निर्वाचन नजिकिदै जाँदा माओवादी केन्द्रले वडा, गाउँ, नगरमा एकता भेला गरिरहेको छ ।
प्रतिक्रिया