टेक्सस । नेपाली जन सम्पर्क समिति (नेजस) अमेरिकामा दुई जना केन्द्रीय सदस्य नियुक्तिसँगै पुनः विवाद उत्पन्न भएको छ ।
समिति सभापति आनन्द विष्टले आइतबार गौतम दाहाल र गोविन्द लम्साललाई केन्द्रीय सदस्यमा नियुक्त गरेपछि बिबादले उग्ररुप लिएको हो । केन्द्रीय सदस्य रिक्त पदमा विष्टले दुई जनालाई नियुक्त गरेका हुन् ।
यो नियुक्तिमा आपत्ति जनाउँदै समितिका बरिष्ठ उपाध्यक्ष धनञ्जयनरसिंह केसीले यो आफूले सुरु गरेको सहमति प्रयास विपरीत रहेको जनाएका छन् ।
‘नेजस अमेरिका जस्तो संस्थाको सभापतिमा देखिएको संकिर्ण सोँच र गैर सांगठनिक क्षमताको चपेटामा संस्था परेको छ’, केसीले विज्ञप्तिमा भनेका छन् ।
उनले विज्ञप्तिमा आफूलाई सहयोग गर्नेलाई काखी च्याप्ने र जायज मागमा अडिक रहेनलाई बाइपास गर्ने उहाँको खराब कार्यशैलीका कारण सिङ्गो कार्यसमिति उहाँप्रति रुष्ट भएको उल्लेख गरेका छन् ।
प्रतिक्रिया