प्रधानमन्त्रीलाई चीनले पठायो गज्जबको उपहार!

काठमाडौं, १ मंसिर । उत्तरी छिमेकी चीनबाट प्रधानमन्त्री पुष्पकमल दाहाल ‘प्रचण्ड’लाई विशेष उपहार आएको छ ।

मंगलबार प्रधानमन्त्री निवास बालुवाटारमा चिनियाँ चित्रकारको एक टोलीले प्रधानमन्त्री प्रचण्डलाई भेटी प्रचण्ड र चिनियाँ राष्ट्रपतिबीच ब्रिक्स सम्मेलनका क्रममा भारतको गोवामा भएको भेटको हस्तनिर्मित तस्वीर हस्तान्तरण गरेका हुन् ।

तस्वीर ग्रहण गर्दै प्रधानमन्त्री प्रचण्डले चीनियाँ कलाबाट आफू निकै प्रभावित भएको र यसले नेपाल–चीन सम्बन्धमा हार्दिकता थपेको बताए । ‘नेपाल र चीनबीचको जनस्तरमा विकसित सम्बन्धले दुई देशबीचकै सम्बन्धमा प्रगाढता ल्याउँछ । जनता जनताबीचको सम्बन्ध विकसित गर्न तपाईहरुको कदम स्वागतयोग्य छ,’ उनले भने ।

भेटका अवसरमा चिनियाँ टोलीले बुद्धको जन्मस्थान लुम्बिनी लगायतको नेपालको ऐतिहासिकता समेटेर चलचित्र निर्माणको तयारी भइरहेको जानकारी प्रधानमन्त्रीलाई गराएको थियो ।