ललितपुरमा प्रेमीबाट खोसेर युवतीको सामूहिक बलात्कार

काठमाडौं, ९ मंसिर । ललितपुरमा एक युवतीको सामूहिक बलात्कार भएको छ ।

ललितपुर प्रहरीका दोहोरी साँझमा काम सकेर प्रेमीसँगै राति १ बजे उनको कोठा हिडेकी २० वर्षीय युवतीलाई इमाडोलको कृष्णमन्दिरमा एउटै मोटरसाइकलमा आएका ३ जना युवाले उनका प्रेमीबाट खोसेर अज्ञात कोठामा लगेर सामूहिक बलात्कार गरेका हुन् ।

बलात्कारमा संलग्न तीन युवाले प्रेमीलाई कुटेर युवतीलाई मोटरसाइकलमा हालेर लगेका थिए । कुटाइ खाएका प्रेमीले स्थानीय प्रहरीलाई खबर गरेपछि ललितपुर प्रहरी टोलीले साढे २ बजे राति रातामकै चोकबाट युवतीको उद्दार गरी साथमा रहेका तीन जना युवालाई पक्राउ गरेको र पक्राउ पर्नेमा स्थानीय युवाहरु रहेको ललितपुर प्रहरी प्रमुख एसएसपी पीताम्बर अधिकारीले जानकारी दिए ।

पक्राउ पर्नेमा ललितपुरको इमाडोलकै प्रवेश थापा, निर्मल थापा र कास्कीका सुशिल अर्याल रहेका छन् । पीडित युवतीले तीनै जनाविरुद्ध अपहरण तथा सामूहिक बलात्कार अभियोगमा सातदोबाटो प्रहरी वृतमा उजुरी दिएकी छन् ।