काठमाडौं, ४ कात्तिक । अख्तियार प्रमुख लोकमान सिंह कार्कीविरुद्ध दर्ता भएको भनिएको महाभियोगको प्रस्तावमाथि छलफल गर्न आज बस्ने भनिएको संसद बैठक आइतबारसम्मका लागि स्थगित भएको छ ।
सभामुख ओनसरी घर्तीको आदेशमा संसद सचिवालयले सूचना टाँस गरेर आइतबार बिहान ११ बजेसम्मका लागि संसद बैठक स्थगित गरेको हो । संसद सचिवालयका सहप्रवक्ता सुदर्शन कुइँकेलका अनुसार संसदको बैठक आइतबार ११ बजे बस्नेछ ।
संसदको आजको बैठकलाई सबैले महत्वका साथ लिएका थिए । तर अचानक सूचना टाँस गरेर आइतबारसम्म स्थगित भएपछि केही सांसदहरू निरास बनेका छन् ।
संसदको बैठक अचानक सूचना टाँस गरेर दुई दिन पछि सरेपछि महाभियोगको प्रस्ताव अलपत्र हुने हो कि भनेर आशंका बढेर गएको छ ।











प्रतिक्रिया